भुवा पर्व

भुवा पर्व
बाजुरा, बझाङ्ग, दार्चुला, कुमाउ-गढवाललगायतका क्षेत्रको धार्मिक एवं सांस्कृतिक पर्व ‘भुवा’ हरेक वर्ष पुस महिनामा मनाइन्छ । महाभारतको युद्धकालदेखि यो पर्व आरम्भ भएको विश्वास गरिन्छ । त्यो बेला भएको धर्मयुद्धमा पाण्डवको विजयी भएपछि खुशियाली स्वरूप विजययात्राका रूपमा यो पर्व मनाइने प्रचलन रहेको किंबदन्ती छ । यो पर्वको मुख्य आकर्षक पक्ष ‘भुवा नाच’ हो । हातमा तरवार र ढाल लिई सामुहिक रूपमा बाजागाजासहित खेलिने यो नाचका सहभागीहरू यो पर्व मनाउने क्रममा घर/घरमा गई ‘भोस्को’ समेत खेल्ने गर्छन् । ‘भोस्को’ खेलका माध्यमबाट समाजका विकृति/विसंगतिको अन्त्य भई समतामूलक समाज निर्माण हुने विश्वास गरिन्छ । यो पर्व मनाएको स्थान वा खेतमा अर्को वर्ष अन्न उत्पादन बढने जनविश्वास छ । भुवा खेल्ने स्थानमा देवीलाई पूजा-आजा गरी बलीसमेत चढाई सकेपछि भुवा पर्वको विसर्जन गरिन्छ ।